Kombëtarja e Kosovës ka vazhduar sot me seancën e radhës stërvitore në Kampin Nacional në Hajvali për dy ndeshjet miqësore të muajit qershor, kundër Armenisë dhe Komoreve.

Në seancën e sotme kanë munguar mbrojtësi Ismajl Beka dhe portierit Amir Saipi, përcjell Arbresh.info.

Beka ka pësuar një lëndim të lehtë në seancën e parë stërvitore, prandaj sot ka punuar individualisht me rekomandimin e stafit mjekësor të ekipit kombëtar, ndërsa portieri Amir Saipi nuk ka stërvitur për shkaqe shëndetësore.

Përzgjedhësi Franco Foda dhe stafi i tij kanë punuar me ekipin në filozofinë e lojës që synohet në këto dy miqësore.

Ndërkohë, për vizitë te Kombëtarja ka qëndruar presidenti i FFK-së, Agim Ademi, i cili u ka dëshiruar mirëseardhje prurjeve të reja dhe i ka inkurajuar të gjithë futbollistët të japin më të mirën në këto dy ndeshje./Arbresh.info